Shasta County Sheriff, Tom Bosenko chuan Pathianni khan in kang chhe tawh-ah mi pakhat ruang an chhar thu a sawi a, insaseng tura hriattirna a zawm duh loh vangin helai hmunah hian a lo la awm nia a hriat thu a sawi bawk. Puan tawh angin California ram kang-ah hian kang\helh hnathawk mi pahnih an lo thih tawh bakah Redding-ah kum 70-a upa hmeichhe pakhat leh a tuchhuan pahnih, kum 4 leh kum 5 mi an lo thi tawh bawk a, California hmun danga kangmei chhuak, Ferguson Fire tia koh \helh tumtu zing ami pakhat chu Pathianni vek khan thing tlu-in a delh vangin a thi bawk a ni.
California Governor’s Office of Emergency Services sawi dan chuan hmun hrang hrangah kangmei 17 lai a chhuak mek a, kang\helh hnathawk mi 12,000 tirh chhuah an nih bakah state pawn lam a\ang pawhin kang\helh hnathawk chah luh mek an ni bawk a, Shasta County a\ang hian mi 38,000 vel chu hmun him zawka thiar chhuah an ni tawh a ni.
