US California-a ram kang pahnih chu \helh tuma beih chhunzawm zel a ni a, hmar lama kangmei chhuak, Camp Fire vanga thi, mi 7 ruang chhar belh a nih bakah chin hriat loha awm chhinchhiah zat chu 300 a\angin 631-ah ni khat chhunga a pun chhoh thu an sawi.

California chhim lama kangmei chhuak, Woolsey Fire-ah pawh mi 3 an thih belh tih thuneitute’n an sawi a, kangmei vanga thi leh chin hriat loha awm tam zawk hi kum upa lam an nih thu an sawi bawk a ni. California kang\helhtu pawl, Cal Fire chuan hmar lama kangmei chhuak hian ram hectare 56,655 a kan chhiat tawh thu leh za zela 40 thunun a ni tawh tih an sawi a, kang\helhtu 5,500 in \helh tuma an beih mek thu leh tun dinhmunah chuan chawlhkar hnih chhunga kangmei thunun zawh hman an inbeisei lo tih an sawi a, chhim lama kangmei chhuak erawh hi chu thawh\anni lamah chuan a vaia thunun theih an inbeisei tawh tih an sawi bawk a ni.