Heng nufa te aiawh hian American Civil Liberties Union (ACLU) chuan court ah hian thubuai thehlutin, hemi te nufa hian mipat hmeichhiatna thila tih nawmnahna an tlan chhiatsan a ni an ti a, Judge chuan thubuai ngaihtuah lai meka heng mi te thawn chhuah chu thil dik lo a ni a ti a, Attorney General Jeff Sessions chu heng mi te a thawn chhuah avang hian court zah lohna thubuai siamsak theih a ni tih a sawi nghal bawk.
Nu pakhat leh a fanu te hian hmeichhe dang 12 te nen tharum thawhna avangin US hi an pan a, Attorney General Jeff Sessions chuan kumin June thla khan dan thar puangin US in venhimna a pek theihte zingah chhungkhur buaina avang leh misual rual te chetna avanga harsatna tawkte a huam tel tawh dawn lo tih a lo sawi tawh a ni.
Hetihlai hian an chungthu ngaihtuah a nih mek laiin heng nu pakhat leh a fanu te hi US thuneitute chuan El Salvador lamah an thawn let tih ACLU chuan an sawi a, Washington DC District Court Judge Emmet Sullivan chuan dan hremi ten an chungthu dan ang taka an put luh, ngaihtuah a nih mek laia thuneituten anmahni thu-a an lo thawn let ve mai chu thil dik lo a ni a ti a, Department of Homeland Security chuan court thupek zawm tur hian hma an la nghal a ni. Donald Trump-a kaihhruai US sorkar chu ram dan a\anga pemlut te chungah a khauh thar tak em avangin US mipuite zingah pawh ngaihdan a inang lo nasa hle a ni.
