Tualthah thubuaia thiam loh chantir, Dominique Ray hi ruahmanna lo siam lawk tawh angin nimin khan tur hmanga chiu hlum a ni a, Ray-a dan hremi chuan Kristiante duhsak bikah sorkar chu puhin, Ray-a’n Imam awmpui a dil phalsak anih loh laiin chaplain erawh tih hlum turte bula awm phalsak an ni si a ni a ti a, Imam Yusef Maisonet chuan tihhlum anih lai hi pindan dawt leh chiah a\angin a lo thlir a ni.
Ray-a’n Imam awmpui a ngenna hi Nilaini khan court hniam zawk chuan ngaihtuahin, tih hlum hun tur tih khawtlai pawh hi a remtih sak a, amaherawhchu Alaba state sorkar chuan rang taka supreme court ah appeal nghalin Supreme court chuan court hniam zawk thu hi a hnawl a, Ray-a hi ruahmanna lo siam lawk tawh anga tih hlum a ni ta a ni. Alabama Department of Correction chuan Christian Chaplain an rawih chu intihhlumna pindanah hian kum tam tak kalta a\ang tawhin a luh an phalsak \hin a, an hnuaia thawk nghet ni lo, midang erawh luh tir an remti lo a ni. Tih hlum tak, Ray-a hi kum 1995-a hmeichhe naupang kum 15 mi pawngsuala thah zui thubuaiah man a ni a, kum 1999 khan thiam loh chantir a ni a, tihhlum anih hma hian kum 20 zet Jail-ah a lo tang tawh a ni.
