US Alabama ah nimin khan kum 83 mi, kum 1989-a bomb tih puah thubuaia thiam loh chantir tawh chu tih hlum a ni

US Alabama ah nimin khan kum 83 mi, kum 1989-a bomb tih puah thubuaia thiam loh chantir tawh chu tih hlum a ni a, tunlai huna US chanchinah misual tih hlum zinga a upa ber a ni. Walter Moddy hi a tanna, atmore hmuna William C Holman Correctional Facility ah chi hlum a ni a, thu rochhiah engmah a dah lo tih tanin thuneitute chuan an sawi a, kumin chhunga US-a misual tih hlum 8-na a ni. Moody hma hian kum 77 mi John Nixon chu tih hlum zinga upa ber a ni \hin a, moody hian a thlak ta a ni. Moody hi kum 1989-a dak hmanga bomb thawn chhuaktua puh a ni a, bomb puakah hian US Circuit Court Judge Robert Vance kum 58 mi chu a thih phah a, hetiang bawka hmun dang a beihna ah Georgia Civil rights attorney Robert Robinson chuan nunna a chan bawk a ni. He thil chhui chiangtute sawi dan chuan Moody hian thubuai pakhat rem danah lungawi lovin Judge hi a bei a, thil awmdan chhuitute tih buai tumin dan hremi pawh hi bomb hmang bawk hian a ti hlum leh a ni. Tih hlum a nih hma hian kum 20 zet Jail ah hian a tang tawh a ni.