Kum 20 kalta April 1999 khan Columbine High Schoolah hian zirlai pahnihin ralthuam nen zirlai 12 leh zirtirtu 1 an kahhlum hnuah an mahni an inkap hlum a, he thil thleng hi chan nawn tumin Sol Pais hian beih a tum tih thu an dawn hnuah thuneitute chuan he hmeichhe hlauhawm hi an man hma chu Columbine High School leh a bul hnaia school 20 vela lut leh chhuak turte an khuahkhirh a ni. He khuahkhirhna hnuaiah hian School chhungah chuan nidang ang thoin hun hman a ni a, Columbine High School tih lohah chuan school ban-a compound chhunga zirlaite hun hman \hin pawh chhunzawm a ni ang.
Jefferson County Sheriff chuan Sol Pais hi Colorado-ah lutin a thil tih tum sawiin mipuite a lo vau tawh tih a sawi a, ralthuam keng mi hlauhawm tak a nih thu a sawi. Sheriff chuan Pais hian T-shirt dum, camouflage kekawr leh boot dum a bun tih a sawi a, Jefferson County-ah hmuh hnuhnun a nih thu a sawi a, a thlalak a tlangzarh bawk. Federal Bureau of Investigation leh Sheriff Deputy te’n man tumin an veh mek a ni.
US school te silai hmanga beihna hi a thleng fo a, Denver-ah ringawt pawh hian kum 2 chhungin vawi 22 chu zirna in te hetianga lut leh chhuak turte khuahkhirh a lo ni tawh a, school vawi 294 zet khar a ni tawh bawk.
