Hurricane Michael tia vuah, darkar khata km 250-a chaka tleh thlipui hian hian nimin chawhnu khan Panhandle bial a nuai a, thing tluin naupang pakhat leh midang pakhat a delh hlum a ni.
US National Hurricane Centre chuan Florida-a Panama City Beach leh Keaton Beach ah te North Carolina lamah te mipuite inralring tura hriattir an ni tih an sawi a, hmun him lama insawn chhuak tura hriattir lawkte zingah an awmna chhuahsan duh lo an awm avangin tuipui kama cheng mi \henkhat chu tuilianin a chim palh ang tih hlauhthawnna a lian hle. Florida, Alabama leh Georgia ah te chuan chenna in sang tel leh sumdawnna hmun tam takin thlipui vang hian power supply an dawng thei lo a ni.
