General Motors, Facebook, Coca Cola, Apple, Amazon, Google, AT&T, Microsoft leh company dang hotulu te chuan US Congress-ah lehkha thawnin heng US-a pemlut “Dreamers” te hi US economy tan mi pawimawh tak an nih thu leh hnathawktu rinawm tak an nih thu an sawi a, heng mi te hi US-a sei liana US bak mahni ram anga ngaih tur ram dang nei lo an nih bakah an \hiante, an \henawm te leh an thawhpuite an nih thu an sawi a, Congress-in hma a lak theih reng laiin thubuai siamsak an ni tur a ni lo an ti a ni.
Economist te chuan heng mi te tel lo chuan US economy hian dollar tld 350 a hloh tur thu leh sorkar hian dollar tld 90 vel a hloh tur thu sawiin heng mi pemlute hi US a\anga thawnchhuah an nih loh nan hma la turin Congress an ngen a ni.
DREAM Act tia koh, heng mi pemlute US mi diktak nihna pek an nih theihna tur dan hi, dan siamtute’n an pass theih nan mipuite’n kum 20 chhung campaign an lo kalpui tawh a, President hlui Barack Obama thu hnuaiah Dreamers 700,000 chuang ram pawna thawnchhuahna laka humhimna leh dan anga ram chhunga hnathawh theihna pek an lo ni tawh a, amaherawhchu Kum 2017 khan President Donald Trump-a’n he phalna pek theihna hi a sut a ni.
