He lawng chawlh hmun, Scottsboro Jackson County Park-ah hian mi engemawzat an riak a, an riahna a kang tih an hriat rualin mi \henkhat chu tuiah an zuang lut a ni. Hemi hnu hian lawng chawlhna thinga siam chu a tlusawp nghal a ni.
Tuia zuanglut zinga mi 7 te chu chhanchhuah an ni a, damdawi inah hruai an ni. Hetihlai hian chin hriat loh mi 7 an awm bawk. Jackson County Chief Sheriff Deputy Rocky Harnen chuan chin hriat loha awmte chu tuiah an tla a nih ringin tui chhung lut thiamte zawn tir an ni dawn tih a sawi a ni.
He lawng chawlh hmunah hian lawng 35 a inthlung a, lawng hnathawkte chu an riah chilh a ni.
Kangmei chhuah chhan hi hriat theih a la ni rih lo.
