Kawng enkawltu PWD hotute hnen a\anga thudawn danin he thirlei Arch Steel Truss Bridge dawh chungah hian cement concrete chhun a ni a, hei hi tun thla ni 15 khan zawhfel a nih chauh avangin cement chan \hat tawk nan thla khat vel mamawh a nih avangin he kawng hi lirthei kal theihin January ni 15 velah chauh hawn a ni ang. He lei dawh hna hi Blue Hill Engineering-in a thawk a, lei pumpui sei zawng hi meter 50 a ni a, lei innghahna hmawr tawn tawnah thuk taka lei lai khuara a innghahna nghet tawk taka siam a ni a, a hnuai lei a bal thlak avang leh a chak tawk loh avangin a laiah ban dah a ni lova, lei tihchak nan lei sir tawn tawnah a khaitu thir kual lian tak dah a nih bakah a khaitu ban leh a chhun kalhna \hahnem tak dah a ni bawk a ni. Lei sirah hian mihring kal theihna tur siam mek a ni a, hetihlai hian lei tawn tirha motor luhna tur kawng chhuat blacktop hna thawh mek a ni. He lei hi dawh zawh a nih hun chuan Aizawl chhim lama traffic jam \hin chu nasa takin a ziaawm tawh dawn a ni.
