PWD Engineer in chief hian Mizoramah inkalpawhna kawngpui \ha a awm theih nan Sorkar-in chak takin hma a la niin a sawi a, PMGSY-in inkaihhruaina dan ang chuan mihring 250 aia tam chenna khua zawng zawng chu motor kawngpui \ha taka pawhtir tur a ni a, hemi bawhzui hian Mizoramah pawh hmalak a ni a ti. Pu R. Vanlaltluanga chuan, tunah hian Mizoramah motor kawngpui kilometre 7,517.48 a thui a awm tih sawiin, hengte hi PWD, BRO, Central PWD leh Department dang enkawl a ni a, Mizoram chhungah kilometre 100 bial zelah motor kawngpui km 35.46 ang vel a awm a, hei hi India ram puma kawngpui awm zat chawhrual aiin nasa takin a la tlem zawk a ni a ti. PWD Engineer in Chief chuan, tunah hian Mizoram chhungah lei 136 a awm tih sawiin, chung zinga 63 chu National Highway-a awm niin, lei 73 chu State Road-a awm a ni a. National Highway-a lei awm 63 zinga 47 chu Permanent Bridge niin, a baka 16 chu Temporary Bridge a ni a, State Raod-a lei awm 73 zinga 41 chu Permanent Bridge niin, a baka 32 chu Temporary Bridge a ni thung a, tunah hian lei dawh mek 26 a awm bawk tih a sawi a. PWD-in Vision 2030 a siamah chuan tuna Mizorama Tempoary Bridge zawng zawng chu Permanent Bridge-a thlak vek tum a ni a, chumi tur chuan theihtawp chhuaha hmalak mek a ni tih Pu R. Vanlaltluanga chuan a sawi.
A hawnna inkhawm lei dawh thara neih hi PWD Chieg Engineer (Building), Pu Henry Lalmuankima’n a kaihruai a, technical report petu PWD Central Circle-a Superintending Engineer, Pu N. Chhylai sawi danin, lei dawhna atan hian Rs. nuai 492.32 sen a ni a. Lei hi feet 177 a thui leh feet 19-a zau a ni a. Lei rih zawng chu ton 166.88 niin, ton 100 a rit zo tura duan a ni.
Traffic SP thuchhuah tarlan danin he lei vawiina hawn takah hian Raj Bhavan chhim lam gate bul a\anga Sikulpuikawn lam panin motor eng chi pawh tlan theih a ni a, amaherawhchu, Sikulpuikawn a\anga Raj Bhavan South gate lam panin 407 truck leh a aia lian tlan phal a ni lova, motor lian leh 407 hmar lam pan tur Tennis Court a\anga kual tir \hin te chu Sikulpuikawnah kual tir vek tawh tur a ni. He lei chungah hian lirthei eng chi mah dah phal a ni lo a ni.
