Hemi chungchanga kawng enkawltu PWD hotute hnen a\anga thu dawn danin he thir lei dawh thar chhuata Cement Concrete chhun chu tun thla ni 15 khan zawh fel chauh a nih avangin a chan \hat nan ni 30 vel nghah a ngai dawna, chuvangin January ni 15 velah chuah he lei hi lirtheiin a zawh thei dawn a ni. He thir lei hi Krismas lo thleng tur atan mawi taka chei a nia, Aizawl Road South Division chuan he lei chei mawi hi a duh apiangte tlawh theihin naktuk zan a\angin a hawng dawna, a tlawhtute chu ke a kal vek tura ngen an ni. He lei dawh hna hi Blue Hill Engineering-in a thawk a, lei pumpui sei zawng hi meter 50 a ni a, lei innghahna hmawr tawn tawnah thuk taka lei lai khuara a innghahna nghet tawk taka siam a ni a, a hnuai lei a bal thlak avang leh a chak tawk loh avangin a laiah ban dah a ni lova, lei tihchak nan lei sir tawn tawnah a khaitu thir kual lian tak dah a nih bakah a khaitu ban leh a chhun kalhna \hahnem tak dah a ni bawk a ni. Lei sirah hian mihring kal theihna tur siam a ni bawk. He lei hi hman theiha hawn a nih hun chuan Aizawl Chhim lama Traffic jam \hin chu a ziaawm theih beisei a ni.
