UPC North East India hnuaia North Mizoram District Mission Deptt. District Board Meeting chu vawiin khan Tuikhuahtlanga an Hqrs. Biak Inah District Mission Director, Rev. Lalduhsanga kaihhruaia neih a ni a, hetah hian thusawiin District Superintendent, Rev. C. Lalrammuana chuan chanchin tha hril darh tura rawngbawlna chu khawvel pum huapa kohhran ngaih pawimawh ber a ni tih sawiin, bial hruaitute chu thahnemngai taka rawngbawl hna thawk turin a fuih a ni. He District Mission Board Meeting-ah hian thu ngaihtuah tura chhawpchhuah 12 sawiho a ni a, Missionary tur 2 lak a ni bawk. Mission rawngbawlna tihchak nan Rashtali-ah Biak In leh Quarter sak remtih a ni a, Marapara-ah pawh Biak In sak remtih a ni. He Board meeting-ah hian Board Member 33 an tel a, an zingah hian District Puipa 3, Rev. C. Lalrammuana, Rev. Laltluanga leh Rev. Chhiarpuia te pawh an tel a ni.
