Uttar Pradesh Kasganj-ah tukin khan chi leh chi inkarah buaina a chhuak a, dawr eng emaw zat hal a nih bakah, thil dang tam tak tihchhiat a ni bawk. He buaina chhuak hi nimin lama intan tawh kha a ni a, Republic Day lawm tuma pungkhawm zinga intibuai an awm avangin silai hmehpuah a ni a, kum 22 mi, Chandan Gupta chu a awma kah a nih vangin a thi a, hei hian buaina a tipunlun zual hle a, silai chelek a nih hma pawhin pungkhawmte hi lung leh tiangin hmangin an in tâwng tawh tih police te chuan an sawi a ni. Nimina buaina chhuak hi Republic Day lawmna venghim tura tirh sipaiten an thelh darh a, vawiin lamah thar tawh a ni leh ta a ni. Police-te chuan buaina chhuak leh vang hian mi 9 an man tawh thu leh, buainaa inhnamhnawih midang man tuma an la zawn mek thu te an sawi bawk a ni.
Chanchin Thar UP-ah chi leh chi inkarah buaina chhuak, dawr thil thahnem tak tichhia
