UP-ah tui lian avangin mi 69 an thi tawh a, district 24-a mi nuai 20 chuangin tuilian hi an tuar a ni. He state chhak lama tui lian avang hian mi 38,738 vel chu khawsak lailawkna, camp-ah an awm tawh nia hriat a ni a, National Disaster Response Force, Provincial Armed Constabulary sipaiten chhanchhuah hna thawkin, tui lian tuarte hi an buaipui a, chhanchhuaktu pawlte chuan ruah a sur nasat avangin hna thawh a harsa hle niin an sawi. Central Water Commission report tarlan danin, Tapti, Sharda, Ghaghra leh lui dang eng emaw zat chu a hlauhawm chin chhinchhiahna chung lamah a luang tawh a ni.
Chanchin Thar UP-a tui lian vangin mi 69 thi tawh
