Ram 15 awmna United Nations Security Council chuan Jammu leh Kashmir Pulwama-a mifirfiakte chetdan chu a dem a, India mi te, India sorkar leh a mitthi chhungte an tawrhpui thu an sawi a, hliam tuarte chu dam leh thuai turin duhsakna an hlan bawk a ni.
UNSC chuan pawikhawihtu mifirfiak Jaish-e-Mohammed te thil tih chu dawihzep thil tih leh sualna tawpkhawk a ni an ti a, firfiaka chetna chu khawvel remna leh muanna ti chhetu lian ber a ni tih sawiin, pawikhawihtute chu man chhuah a, dan anga hremna pek an ngaih thu an sawi.
UN Secretary General Antonio Guterres chuan he pawikhawihna hi a na takin a dem thu a lo puang tawh a, ram dangte chuan an tawrhpui thu puangin mifirfiakte beihlet nan India \anpui turin an inhuam thu an lo sawi tawh a ni. MEA thupuangtu Raveesh Kumar chuan Pakistan chu a thuhnuai-a mifirfiak pawl te lakah hma la turin ram dang te’n an nawr nasa hle tih a sawi a ni.
