Khawzawl Vengthar Kohhran Sunday School Hall-a naupangte zirtirna hunah hian Bialtu Pastor Rev. C. Lalmalsawma chuan naupangte fuihna thu tawi sawiin naupang kalkhawmte chu an puitlin hunah hlawhtlinna tha zawk an neih theihna turin nu leh pate thu awih a, eng dinhmunah pawh ding se midangte tana malsawmna nih tum zel turin a fuih a. Khawzawl DFO (Wildlife) Pu P.C. Lalchhandama pawhin naupang kalkhawmte chu nungchate leh ramngaw pawimawhna te a zirtir a, Evangelist F. Laldanmawia’n naupang kalkhawmte hmaah Pathian thu nen fuihna thu a sawi bawk.
Khawzawl Pastor bial Mission Department hian kumdangah pawh hetianga Pathian thu hmanga infuihna hun hi an lo buatsaih tawh thin a ni.
