Union Steel Minister, Pu Chaudhary Birender Singh-a’n Mizoram sorkar a inhuam chuan cheng nuai 2 lek sengin steel hmangin in sak theihna dan ruahman a nih tur thu a sawi. Nizana Aijal-a thuthar lakhawmtute a kawmnaah he thu hi sawiin, hetiang in sak hi sorkar laipui ruahmanna mi zawng zawngin chenna tur in an neih theih nana ‘House for all’ hnuaiah State dangah kalpui \an mek a nih thu a sawi a. State \henkhatah chuan steel hmangin cheng nuai 2 lek sengin in sak a ni tawh a, Mizoramah pawh state sorkar a inhuam chuan hetiang hmalakna hi kalpui ve theih a nih thu leh Steel hmanga in sak chu lirnghing lakah pawh a him bawk avangin engtik lai pawha lirnghing na tak thlen theihna Mizoram tan thil \ha tak a nih tur thu a sawi. Pu Chaudhary Birender Singh chuan, bungrua tihriralna tur, Shredding plant siam theihna dan Parliament-in a pass lo tih sawiin, hei hi a pawm anih chuan Car hluite pawh hralh chhawn lovin sorkar-in a lei sak tawh dawn nia sawiin, midang hnena a hlui hralh chhawn ai chuan sorkar-in a lei sak hian zaa 15-20 velin a neitute an hlawk tawh zawk a, danin a phal hunah chuan hemi atan hian state sorkar nen thawk hovin, mipuiin steel \ha zawk awlsam takin an nei thei tawh dawn tih a sawi.
