Kum 53 mi Asif Karadia-a hian a long-term-visa a thih hnua pawhsei a dilnaah Pakistan passport tel lo chuan pawhsei an remtih loh thu thuneitute’n an hrilh a, ram chhuahsan tura hriattirna, deportation notice pek a nih hnuah, ukil Ashish Mehta leh Sujay Kantawla te punin December kum 2016 khan high court-ah ngenna a thehlut a ni.
He a ngennaah hian a nu leh pa hi India leh Pakistan in\hen hma khan Gujarat-a piang an nih thu te, amah hi Karachi-ah piang mahse a nu-in a pian hnu ni rei lo teah India-ah a letpui thu te leh tun thlenga Mumbai-a a chen zui thute ziah a ni a, hei vang hian Pakistan passport emaw Pakistan ram mi leh sa a nihna hriattirna lehkha pawimawh engmah a nei lo a, India ramah hna thawkin, India ramah chhiah a pe a, a nihna finfiahna a neihte chu India ramin a siam, Aadhar card te, ration card te, PAN card leh voter ID te a ni a, India khua leh tui nih dilna pawh lo thehlut tawhin, kum 7 chhungin la tihfel a nih loh thu te sawilan a ni. Hetiang dinhmuna ding a nih laia India chhuahsan tura hriattirna pek a ni chu hnawl turin Court chu a ngen a, India khua leh tui nihna a dilna chu tihfel a nih hma chuan Long Term Visa chu pawht sei turin a ngen a, kum 2016 khan high court chuan India khua leh tui nihna pek phu mahse lehkha pawimawh tel lo chuan ram chhunga chen a rem lo tiin a ngenna chu a lo hnawl tawh a, amaherawhchu January 2017 khan court chuan Karadia thubuai hi thil dangdai a ni tiin sorkar chu tihluihna-a a laka hma la lo turin thu a pe a, rorelna inkalh leh court thupek engemawzat karah ministry chuan court roreltu justice AS Oka leh MS Sanklecha te hnenah Karadia hi India khua leh tui nihna pek a nih tur thu a hrilh ta a ni.
