Rahul Gandhi hi chhiah chungchang thubuai, National Herald Case tia sawiah chhui mek a ni a, he thubuai hi hnawl tura Sonia Gandhi leh Rahul Gandhi ten an dilna chu Delhi High Court chuan nimin khan a hnawl a, Income Tax Department chuan an chhungkaw chhiatna an zawn vang hrim hrimin he thubuai hi an hawng thar leh niin Sonia chuan thla hlui khan a lo sawi tawh a ni.
Smriti Irani chuan Gandhi chhungkua hian he thubuai tihtawp tum hian an bei nasa hle niin a sawi a, an awmna party, Congress lakah ni lo in, anmahni mimal zawh duh a ngah thu te a sawi bawk a ni.
BJP lam sawi dan chuan Sonia leh Rahul te hian Young Indian tih company dinin chanchinbu pathum ti chhuaktu Associated Journals Limited an lei a, Associated Journals Limited-in leiba a neih, cheng vbc 90 vel chu party pawisa-in an rul leh a ni. Hemi hnu hian Associated Journals Limited kaltlang hian sum \hahnem tak Gandhi chhungkua hian an hailut chhunzawm niin BJP chuan an sawi bawk a, Income Tax Department lamin thu an zawhfiah dawn pawhin chhanna mumal an pe duh lo niin a sawi bawk a ni.
