JNU leh JMI zirlaite hian citizenship law dodalna an kalpui nasat vangin an zirlai an bahlah nasa nia sawi a ni a, Balyan chuan Uttar Pradesh khaw thlang lam zirlaite tan seat zaa 10 hauhsak \ha a tih thu sawiin, hei hian an buaina a sutkian sak thei a, chu lo chu mamawh an nei lo tih a sawi bawk.
Nikum December thla a\ang khan khawpui leh khaw lian deuh \henkhata zirlai sang chuangte chuan kawngdungah CAA dodalna an lantir a, hetah hian tharum thawhna buaina chhuakin Delhi Jamia Millia Islamia University-ah phei chuan buaina a chhuak nasa hle a ni. Police te chu zirlaite uchuak taka kutthlakah puh an ni a, tun thla tir khan JNU zirlaite leh zirtirtute chu hmaituam mi engemawzatin an bei bawk a ni.
Union Minister, Balyan hi sorkar dinglaia Minister of State for Animal Husbandry, Fisheries and Dairying ni lai a ni a, Prime Minister, Narendra Modi-a term hmasaah pawh khan junior minister a ni tawhin thla hlui khan Madrasas-a naupangte chu CAA dodalnaa tharum thawhna chhuakah an inhnamhnawih tih a lo sawi tawh a, hei hian inhnialna nasa tak a thlen nghe nghe a ni. Kum 2013 khan Muzaffarnagar-a intualvuakna, mi 60 aia tamin an thih phahnaah pawh khan inhnamhnawiha puh a ni a, Mahapanchayat inkhawmah pawh buaina tipunluntuah puh niin, an puhna zawng zawng chu a pha thung. Heng puhna karah hian Balyan hi kum 2014 Lok Sabha MP thlannaah Muzaffarnagar bial a\angin thlantlin a ni a, nikum inthlanpuiah khan thlantlin leh niin Minister-ah dah a ni.
