Zan khat riaka Mizoram tlawha lo zin Union Minister of State for Ministry of Food Processing Industries, Pu Rameswar Teli hian nimin tlai khan Upper Republic-a BJP Office a tlawh a, amah lo hmuaktu an party mite hmaah thusawiin, tun hi Mizoram a tlawh \um khatna a nih thu leh, Lengpui Airport a\anga a rawn kalna kawng chu a chhiat avangin DONER-ah kawng siam \hatna tur ruahman a nih theih nan hmalak a tum thu a sawi a. Mizoram chu hmarchhak State dang a tlawh tawh zingah kawng nei chhe ber a nih avangin hmalak a ngai a hle a ni, a ti. Pu Rameswar Teli chuan, tunah chuan Food Processing Industries Ministry hnuaia Budget Rs. vbch. 1,400 an neih zinga Rs. vbch. 140 chu hmar chhak tan pek a ni tur thu leh sum hi a bo a bang awm lovin hnathawh nan hman vek a nih tur thu a sawi a. Sorkar laipui chuan Hmarchhak bial hmasawnna turin theihtawp a chhuah dawn a, Ministry dang pawhin hmarchhak bial tan an Budget a\anga zaa 10 tal an hman theihna tur ruahman a nih theih nan Union Finance Minister a sawipui tawh thu a sawi bawk.
He inkhawm hi BJP Mizoram State Secretary, Dr.Gary Haokip-in a kaihruai a, State President, Prof. JV Hluna pawhin thusawiin, an party chu Sorkar laipuiah a neitu an nih avangin BJP Mizoram chu an te lo tih an inhriat thar reng a ngai a ni, a ti a. Sorkar laipui a\anga scheme hrang hrang lo kal leh hmalakna dangah a nihna tur ang taka hman a nih theih nan BJP Mizoram Pradesh chuan hma ala zel dawn tih a sawi. He inkhawmah hian Mizoram BJP MLA neih chhun Dr. BD Chakma leh MP hlui Pu Hiphei pawhin thu an sawi a ni.
