Union Minister of State for Home, Hansraj Ahir-a’n dan lova mipui pungkhawmin mi an chilhlum chungchang thubuaia thiam loh changte tihhlum theihna tur dan sorkar laipuiin a rawt thuai dawn tih a sawi.

Ahir chuan he rawtna hi tunhnaia Parliament-a put luh tak, hmeichhe naupang kum 12 hnuailam pawngsuala thiam loh changte thi tura hrem theihna dan zulzuia siam tum a ni a ti a, dan lova mipui pungkhawmin mi an chilhlum \hin chu hnam hnufual zia a nih thu leh dan bawhchhiatna rapthlak tak a ni a ti bawk a ni. Ahir hian he thu hi Nathjogi mi te a kawmnaa a sawi a ni a, Nathjogi mi te hi ran vulh hnam an ni a, tun thla tir lam khan an hnampui panga chu bawng tawlhru-ah puh an nih vangin Solapur-ah sawisak hlum an lo ni tawh a, Ahir chuan kha thil thleng kha Maharasthra sorkar leh sorkar laipuiin a ngai thutak hle niin a sawi bawk a ni.