Lehlanga vawiina Mizoram tlawha lo zin Pu Amit Shah hian Raj Bhavan-ah NGO Coordiantion Committee hruaitute a kawm a, an thil phut hrang hrang a sawipui a. An inkawmnaah NGO hruaitutehian sorkar laipuiin Citizenship Amendment Bill kalpui a tum leh Tripura-a awm Tuikuk-te Mizorama hruaikir mek chungchanga an ngaih dan Union Home Minister hnenah hian ziakin an thlen a ni. NGO Coordination Committee hruaitute sawi danin, Amit Shah chuan, CAB chu kaltlangpui pawh ni se, Mizoramah nghawng a neih lohna turin Inner Line Permit chu tun aia chak zawka thuam \hat a, CAB-ah proviso anga belh a nih theih nan hmalak a nih tur thu a sawi a, CAB hi an kaltlang pui a nih pawhin, ILP nei state tenau zawkten ILP chu inhumhim nan an hman zel theih nan ruahmanna siam a nih tur thu leh CAB chu Parliament-ah pharh a nih hmain a kalphung tur ruahman chu Jt. NGO hruaitute nena enho hmasak a nih tur thu a hrilh a ni.
NGO hruaitute chuan Tripura-a awm mek Tuikuk-te Mizorama a bo a bang awm lova an lo let theih nan leh Tuikuk lak let mek chu a rang thei ang bera tihtawp a nih theih nan hmalakpui turin Union Home Minister chu an ngen a, hemi chungchangah hian Sorkar laipuiin palai hna thawktu tur a ruat ang a, a rang thei ang bera chinfel a tum thu Pu Amit Shah hian a hrilh a. Bangladesh leh Myanmar ramri awng nasa veng tura venhim hna thawktu \ha tak dah belh tura NGO ngenna chungchangah Sorkar laipui sum hmangin Mizo hlang awmna CRPF Battalion khat awmna din tura hma lak a inhuam thu Union Home Minister hian a hrilh a ni.
YMA, MUP, MHIP, MZP leh MSU te telna, NGO Coordination Committee hian central sorkarin CAB pass a tum nia a lan avangin Home Minister Pu Amit Shah hi pawndum nena lo hmuaha, lungawi lohna lantir an tum a, Chief Minister Pu Zoramthanga’n an thil tum \hulh tura a ngen hnuah leh Home Minister nena inkawmna hun pek an nih tur thu hriattir an nih hnuah nizan hmasa khan lungawi lohna lantir an tum hi an \hulh a, Home Minsiter Amit Shah nen hian vawiin chawhnu khan Raj Bhavan-ah inkawmin an thil phutte hi an sawiho ta a ni.
