Union Home Minister Amit Shah-a’n Jammu and Kashmir-a President’s Rule pawhseina tur leh Reservation (Amendment) bill te Rajya Sabhaah a pharh.

Heng bill te hi Lok Sabha in a lo pass tawh a ni a, Jammu and Kashmir-ah hian BJP in Mehbooba Mufti kaihhruai People’s Democratic Party an thlawpna an hnuhdawh avangin nikum June thla a\ang khan Central thuneihna hnuaiah dah a ni a, thla ruk chhunga inthlanna buatsaih tura hmalak mek ni mahse, President’s rule puan mek hi a thih dawn avangin pawhsei leh phawt a \ul a ni. March thla-a mifirfiakten Pulwama-a sipai 40 an thah avang khan Election Commission chuan Lok Sabha inthlanpui neih ruala Assembly inthlanna neih ve theih chiah a ngai lo a, hei hi party hrang hrangte chuan duh lovin Central-a BJP kaihhruai sorkar chu Jammu and Kashmir-a mipui rorelna kalphung palzutah an puh a ni. Thla hlui khan Election Commission chuan Jammu and Kashmir-ah hian boruak a ziaawm ta deuh tih a sawi a, thla ruk lo awm leh tur chhungin inthlanna hi neih tum a ni ta a ni. Jammu and Kashmir Reservation (Amendment) Bill hi chu ramri hnaiha cheng mipuite tana hna hauhsakna tur leh zirna in-a quota siamsakna tur a ni thung.