Jammu and Kashmir-a president’s rule puanna tur Bill putluh pahin thla 6 chhunga inthlanna buatsaih theih beisei a ni tih hi a sawi a, Political party hrang hrangten inthlanna hi neih thuai an phut a ni. Jammu and Kashmir ah hian nikum June thla-a BJP in Mehbooba Mufti-i kaihhruai People’s Democratic Party an thlawpna an hnuhdawh hnuah Governor’s rule hi puan a ni a, thla 6 ral hnuah inthlanna buatsaih theih a la nih loh avangin President’s rule puan chhunzawm a ni a, tunah hian pawhsei leh a ni ta a ni.
Home Minister Amit Shah hian firfiaka chetna reng reng engti kawngh maha ngaihhnathiamna a awm tawh lo tih a sawi a, Jammu and Kashmir-a mifirfiakte nuaibo turin sorkarin nasa takin hma a la a, tunah chuan dan leh thupek kenkawhna kawngah pawh thil a kal dik tawh a, mipuite an dikna leh chanvo humhimsak turin sorkar chuan hma a la a, kum khat chhungin harsatna tam zawk chu chinfel tawh a ni a ti.
