Bank \henkhatin harsatna lian tak an tawh karah sorkar chu a chinfel dan kawng dap lova midang puhmawh nana hman tum zelah a puh a, Manmohan Singh chuan Punjab leh Maharastra cooperative bank te buaina tawh mekah sorkar laipui leh Maharastra sorkar chuan mipui mil tura chinfel dan kawng a dap lo hrim hrim a ni a ti a, ram sum leh pai dinhmun tlakhniam chungchangah midang puhmawh tur zawng lovin a chhan zawng chhuaka a tih dam dan tur dap a \ul zawk a ni a ti.
Mumbaia chanchinbumite a kawmnaah Manmohan Singh hian NDA sorkar dinglai chu kum 5 aia rei a ni tawh a, harsatna thleng mekah UPA sorkar mawhpuh zel chu thil tih dan tur a ni lo a ni a ti.
Finance Minister Nirmala Sitharaman-i chuan bank \henkhatin harsatna an tawh chhan chu Manmohan Singh leh a hunlaia RBI Governor Raghuram Rajan te hmalak dan dik loh vang a ni tih Thawhlehni khan a sawi a, Manmohan Singh leh RBI governor hluite hi ram sum leh pai dinhmun enkawl kawnga sorkar hmalak dan na taka sawiseltute an ni.
