Finance Minister Nirmala Sitharaman-i chuan Jan Aushadhi Kendra chu ram chhung District zawng zawngah kalpui a nih tur thu leh hemi kaltlang hian damdawi man tlawm leh \ha mipuite hnena chhawp chhuah tum a ni tih a sawi a, kum 2020-21 chhungin zirna lam, Education Sector ah cheng vbc 99,300 leh thiamna chher hriamna skill development ah cheng vbc 3,000 dah a ni tih a sawi.
Ram chhunga zirna in \ha zual 100 ten Degree level thleng zir theihna online education an kalpui tur thu Finance Minister hian a sawi a, ram pawn lam a\anga sum puk theih dan leh ramdangin India rama sum an peipun theih dan tur pawh mamawh tawk anga kalpui a nih tur thu a sawi.
Faina beihpui thlakna, Swachh Bharat Mission ah cheng vbc 12,300 dah a ni a, Finance Minister chuan India ram pum chu pawn lera inthiar awm lohnaa siam ngei sorkarin a tum tih a sawi a, hemi kaihhnawiha hmalakna Jal Jeevan Mission ah cheng vbc nuai 3 sing 6 ruahman a ni a ti.
Kum 2024 ah chuan UDAN scheme hnuaiah ram chhung hmun hrang hrangah thlawhna \umhmun 100 siam belh hman tum a ni tih Finance Minister chuan a sawi a, inkalpawhna lam tih changtlunna turin cheng vbc nuai 1 sing 7 sorkar kum kallaiah dah a ni tih a sawi bawk.
Power leh renewable energy lamah kum 2020-21 chhungin cheng vbc 22,000 dah a ni a, sorkar laipui leh state sorkar zawng zawngte chu kum 3 chhunga energy metre hmanlai te pre paid smart metre-a thlak vek turin a sawm bawk a, hei hian consumer te duh thlanna zau tak a pe dawn a ni a ti.
