Finance Minister Nirmala Sitharaman-i’n nimina 2019-2020 budget a pharh taka DoNER kaltlanga hmasawnna hna thawhna tur sum ruahman cheng vbc 3000 hi kum 2018-2019 Revised Estimate cheng vbc 2629 aiin cheng vbc 371 in a tam zawk a ni.
Budget-a sum ruahman te zingah hian a langsar zualte chu hmarchhak biala hmasawnna ruhrel dinna tura a bik taka scheme duan, North East Special Infrastructure Development Scheme NESIDS ah cheng vbc 695 ruahman a ni a, hei hi sorkar kum liamta-a sum dah cheng vbc 140 aiin cheng vbc 555 in a tam zawk a, NEC atana sum dah erawh kum hmasa aiin a tlem hret a, kum hmasaah cheng vbc 607 dah a nih laiin kuminah hian cheng vbc 580 dah a ni a, Central Pool of Resources-a sum dah pawh 2018-2019 revised estimate cheng vbc 781 aiin 2019-2020 a sum ruahman cheng vbc 531 chu a hniam zawk bawk a, a tlakhniamna hi cheng vbc 250 a ni.
Hmarchhak biala motor kawngpui tih changtlunna tur North East Road Sector Developement Scheme-ah erawh kum hmasa lama sum dah cheng vbc 391 chu tun \umah hian cheng vbc 275-a tipungin, cheng vbc 666 ruahman a ni.
