Venezuela-a eptu pawl hotu, Juan Guaido chuan president lailawk-a a inpuan hnuah ram pumah, President nilai Nicolas Maduro-a hnuaiah ram a tla chhe nasa nia sawiin, amah duh lohna lantira punkhawm a rawt a, an ram hian hun khirh tak a tawk mek a ni.
Buaina chhuaka thi leh hliam an pung zel chuan UN hotute rilru a ti buai hle a, Venezuelan Observatory of Social Conflict chhut dan chuan buaina chhuakah hian mi 13 vel an thi tawh a ni. UN secretary-general chuan heng thil thlengte hi langtlang tak leh zalen taka endik \ul a tih thu a sawi.
US, Brazil leh ram engemawzatin Guaido-a hi an thlawp thu an puang a, Russia leh China te chuan Venezuela chungchangah hian ram dang te inrawlh an duh loh thu sawiin, Venezuela ram mipuite chauhin an ram hmabak chu an rel tur a ni an ti thung. Russia chuan Guaido hmalakdan chu a dem bawk a, ram dangin an thlawp zel anih chuan Venezuela ramah hian dan bawhchhiatna leh mihring suatna nasa tak a thleng ang tih a hlauhthawn thu a sawi bawk a ni.
UN chhinchhiahdan chuan retheihna nasa takin a tlakbuak avangin kum 2015 hnu lamah mi maktaduai 2.3 velin Venezuela hi an tlanchhiatsan tawh a ni.
