Haley hian thawhlehni khan a hna a\anga a ban thu hi a puang a, a thiltum a ti hlawhtling thawkhat tawh nia a hriat tawh thu leh a ban a hun tawh nia a hriat thu sawi a, UN-a America aiawha a ding thei chu a lawm thu leh a hna a\anga a ban hnuah pawh an ram tan a beih reng tur thu te a sawi bawk a ni. Haley hian kum 2020-a President inthlan chuh ve a tum nia mi \henkhatin an sawi chu a dik loh thu leh US President Donald Trump-a tan a campaign tur thu a sawi a ni.
Haley ban thu hian US sorkar hotu \henkhat pawh a barakhaih hle a, Trump-a kaihhruai sorkar-a hming hriat hlawh ber te zing ami a nih bakah, Trump nen pawha inlungrual tak an nih avangin ngaihven a hlawh hle a ni.
Nikki Haley thlak tur hian Trump chuan White House Adviser hlui Dina Powell a thlang mai thei niin a sawi a, Haley hian a aiawhtu tur hi a thlanpui dawn tih a sawi bawk a ni.
