Arunachal Pradesh-a Changlang district-a Bordumsa khuaa Engineer pakhat, Bedanta Kumar Sinha-a chu United Liberation Front of Assam-Independent hel ho nia rinhlelhte’n an ru bo tih police-te’n nimin khan an sawi a, Sinha-a hi sorkar enkawl, National Highway Infrastructure Development Corporation Limited hnuaia thawk a ni a, Pathianni khan a chenna in a\angin hel hovin an ru bo niin IGP, Nabin Payeng-a chuan a sawi. Sinha-a hi Bihar mi a ni a, Bordumsa khuaa a inah hian thla khat vel a awm tawh a, police-te chuan a ru botu hi la hre lo mah se, ULFA (I) hel pawlte an ringhlel a, an mi ruk bo tlanna atan hian sum leh pai emaw, thil dang emaw phut an neih hriat a la ni lo. Pu Payeng-a chuan engineer hi zawn hmuh tumin an bei mek tih a sawi a, police-te chuan a chhungte hnenah pawh he thil thleng chungchang hi an hriattir tawh a ni.
Chanchin Thar ULFA (I) helhovin Arunachal Pradesh-a Engineer pakhat ru bo
