video thlak thar a\anga a lan danin thlawhna hi missile pahnihin a kap fuh a, missile pahnih hi second 30 chhungin kahchhuah a ni a, video-ah hian thlawhna chu minute engemawchen a thlawk a, a tlak hma-in a alh a, leiah a puakdarh a ni.
Chanchinbu pakhat chuan missile kah chhuah hmasa zawk chuan missile pahnihna kah chhuah hma-in thlawhna radio signal chu a kapchhia tih a tarlang a ni.
Hemi hmalama Boeing 737-800 thlawhna kahthlak nia sawi chu Tehran chuan a pawm lo a. A hnuah tih palh thil thua kah a nih thu hi a puang leh a ni.
He thlawhna tla chanchin hi New York Times leh CNN-in an puang hmasa ber a, Canada, US leh UK te chuan Iran missile-in thlawhna chu a kapthla tih an puang bawk a. Inrinni kalta khan Revolutionary Guard aerospace commander, Brig. General Amir Ali Hajizadeh chuan missile enkawltu-in tihpalh thil thu-in a kah tur zawk a hai vangin thlawhna chu a kap palh tih a sawi.
Finfiahna dangah chuan Bidkaneh-a in chung pakhat a\angin thlawhna chu kah niin a lang a, Bidkaneh hi Iran sipai hmunpui a\anga mel 4 vela hla a ni a, thlawhna chu kah ngei a ni a, Tehran \umhmunah thlawh let a tum laiin a puak darh a, he thlawhna hian khualzin 176 a phur a, an vaiin an thi vek a ni.
Lungawilohna lantirtu zirlaite chuan he vanduaina lungchhiatthlak tak hi thar thawh lehin Iran hruaitute an dem thu leh a mawh phur ngei tura an phut thu an sawi.
