Prime Minister anih hnua a Scotland a tlawh vawi khatnaah hian sipai hmunpuiah thu a sawi a, Scotland, Wales leh Northern Ireland te tihhmasawnna tur leh ham\hatna tur a ngaihtuah dawn a, heta tan hian pound maktaduai 300 a dah rin a ni.
Boris chuan UK inpumkhatna chu ram rorelna hlawhtling ber zingah a tel a, inpumkhata, inchhawr tawn chu hmanlai a\ang tawha UK ram rorelna kalphung a ni tih sawiin, UK chu khawvel pumah a hmingthang a, an zavaia an \anrual chuan an him a, an chak a, an hmuingil zel a ni a ti a, EU an chhuahsan hunah an inpumkhatna phuarkhawmtu chu a tinung leh dawn a, chumi tur atan chuan an inbuatsaih mek tih a sawi bawk.
EU chhuahsanna turin committee pathum din a ni a, October thla ral hma-in chhuahsan fel an tum a ni.
