UK PM Theresa May chuan vawiin khan a awmna, Conservative Party hruaitu lu a nihna a\angin a bang a, a aiawhtu tur hriat a la ni lo.

Puan tawh angin May hian thla hmasa khan European Union a\anga Britain inhnuhdawhna tur, Brexit ruahmanna siam chungchangah a hlawhchham thu leh an party hruaitu a nihna a\anga a ban tur thu hi a lo sawi tawh a ni. May hian July lama PM thar thlan a nih hma chuan PM a nihna hi a la bansan dawn lo a, Conservative Party MP 11 lai chu party hruaitu nih tum an awm a, an zingah hian Foreign Minister hlui, Boris Johnson pawh a tel ve a ni. Kum 2016-a Britain-in European Union a\anga inhnukdawk tura thu a tih tluk hnu lawkah May hi PM atan thlan a ni a, PM a nih hun chhung zawng hian Brexit ruahmanna hi a buaipui a, EU lam hruaitute leh an ram MP te nen kum 3 vel an inbeih hnuah, thla hmasa khan a hlawhchham thu leh a tlawm thu a sawi ta a ni. Brexit hi kumin October ni 31-ah chinfel tum a ni.