Hancock chuan construction work thawktute chu meter 2 dan zelah an thawk thei tih sawi a, hetihlai hian mi tam takin Hancock-a ngaihdan hi an sawisel nasa hle a, mipuite hriselna vawnhim hi ram sum leh pai aiin ngaihpawimawh hmasak ber tur a ni an ti.
Tory cabinet minister hlui, Duncan Smith chuan construction hna thawktu \henkhat te chuan thawk rih lo se, Covid-19 vanga invenna lamah rilru pek nasat zawk a ngai tih a sawi a, hetihlai hian Greater Manchester Labour Mayor, Andy Burnham chuan \ul bik thil ni lo hnathawktuten an hna an thawh theih nana thutlukna siam chu ram sum dinhmun thlira siam a ni a ti.
Hemi hnu hian Prime Minister, Boris Johnson chuan politician te a\anga nawrna awm \hin chu hnialin, construction hna thawktute chu anmahnia chawl tawp turin a hrilh a ni.
Scotland First Minsiter, Nicola Sturgeon chuan building sakna hmun te chu khar vek tur chi a nih thu a sawi a, damdawi in sak te a nih ngawt loh chuan hnathawh reng reng chawlhsan chu tun dinhmunah thil \ha ber a ni a ti.
