Malaysia environment minister Yeo Bee Yin chuan an ram chu khawvel bawlhhlawh paihna khur a ni lo tih lantir nan heng plastic \enghneng tak tak te hi an a siamtu ram UK-ah thawnlet a ni a ti a, an rama plastic bawlhhlawh lakluhte chu bawm 150 vel a siamtu ram \heuhah an thawn kir tawh tih a sawi bawk.
UK sorkar chuan nikum khan Malaysia thuneitute hnen a\angin UK thil siam an lakluh zinga bawlhhlawh awm te chu thawnlet an tum tih hriattirna a dawng tih a sawi a, chung zinga bawm \henkhat chuan an ram a thleng tawh tih a sawi bawk.
Environment Agency thupuangtu chuan lawng hmanga insumdawnna chu chhunzawm zel a ni dawn tih sawiin Malaysia thuneitute hnenah bungraw thleng zinga bawlhhlawhte chu a rang lama thawn kir zel turin a hriattir tih a sawi rualin dan phal loha bungraw thawn chhuah a awm tawh loh nan a \ha thei ang berin hnathawh an tum tih a sawi bawk.
Malaysia chuan metric tonne 3,737 lai bungraw duh loh ram 13-ah an thawn kir tih a sawi a, France-ah bawm 43, UK-ah bawm 42, US-ah bawm 17 leh Cananda bawm 11 an thawn tawh tih a sawi. Thuneitute chuan kumin 2020 kum laihawl vel hian bawlhhlawh an dawn tel bawm 110 zinga 60 chu US-ah thawnkir an tum bawk a ni.
