UIDAI chuan nimin khan Aadhaar number vawn himna tur kalphung thar a puang. He kalphung thar hi, UIDAI Virtual ID tia vuah a ni a, bank emaw, mobile service provider emaw hnena Aadhaar number thehluh turte tan, an aadhaar number hmang lova number, digit 16 hman lailawk tur siam chhuah theihna tur a ni. UIDAI thuneitute chuan he kalphung thar hi March thla a\anga hman \an theih an inbeisei thu an sawi a, mobile company leh bank zawng zawngte pawh Virtual ID lo dawngsawng thei tur hian, June thla hmaa lo inpeih fel turin a ti bawk a, Virtual ID hmang hian heng company te hian an duh anga khua leh tuite an finfiah theih tho laiin, an aadhaar card number tak tak erawh an hriatsak thei tawh dawn lo niin thuneitute chuan an sawi a ni.
———–
Congress hruaitu, Union Finance Minister hlui, P Chidambaram chuan UIDAI-in Aadhaar number vawn himna tur kalphung thar chu se bo hnua se kawngkhar ang niin a sawi ve thung a, mi tam takin an Aadhaar number, mobile company, bank leh hmun danga an thehluh nasat tawh avangin, aadhaar number-te hi vawn him tak tak theih a ni tawh lo niin a sawi. Puan tawh angin kar hmasa khan Aadhaar number \hahnem tak chu lei theihin mi \henkhatin an la khawm nasa hle tawh tih hriat chhuah a lo ni tawh a ni.
