Vawiin chawhnu-a Khawzawl DC Rest House tuala an party Group Congress Committee huaihawt party worker te intawhkhawm naah he thu hi sawiin, Pu Zodintluanga chuan politics a kalsual chuan mi zawng zawngin an tuar \hin a, kum 1966-ah politics a kalsual avangin kum 20 chhung \ah leh ha \hialna in Mizoram a tlakbuak a ni, a ti a. Pu Lal Thanhawla kaihhruai Congress sorkar hnuaiah Aizawl to Lunglei World Bank Road contractor thlan a ni a, State Referral Hospital sanction a ni a, Tuirial HEP lungphum phum a ni a, Greater Aizawl Water Supply Scheme Phase II tender chhuah a ni bawk a. Heng hmachhawp ropui tak takte hi politics kalsual avangin MNF leh PC thawkho sorkar in a ti chhe vek nia sawiin, Congress sorkar bawkin a siam\ha leh niin a sawi.
Tuichang bialtu MLA Pu Lalrinliana Sailo pawh in thu sawiin, tuten emaw BJP ah emaw, MNF-ah emaw a lut dawn niin amah chu an sawi niin a sawi a. Chief Minister in a bial ngaia a din nawn leh tur thu a lo puan tawh bak thu dang a awm lo niin a sawi.
