Kum 2016 April thla a\anga Central Bank Governor hna chelhtu Murat Cetinkaya ban anih chhan hi puanzar a awm lo a, an ram sum leh pai dinhmun siam\ha tura sorkarin interest rate tih hniam a tum chungchangah an ngaihdan a inan loh vang nia hriat a ni. Hetianga governor ban anih thu puan a ni hi mi tam takin central bank inrelbawlna-a sorkar inrawlhnaah an ngai a ni. President Recep Tayyip Erdogan hian interest rate sang chu thil zawng zawng buaina bul \anna nia sawiin, thil man sang chak lutuk a thlen a ni a ti a, an ram sum leh pai dinhmun siam\ha turin tih hniam a ngai a ni a ti. Central Bank hian September thla khan interest rate hi zaa 17.5 a\angin zaa 24 ah a ti sang a, hei hian thil man sang zel tur thununin, an ram pawisa hlutna a tipung dawn niin a ngai a ni.
Erdogan leh Finance Minister Berat Albayrak te chuan Governor hi bang turin an nawr nia sawi a ni a, central bank-ah sorkar a inrawlh thei lo tih changchawiin a bang duh lo nia sawi a ni a, President hian ban luiin, a hmaa deputy governor Murat Uysal chuan a ai a awh dawn a ni.
