Turkey hian Syria ram chhunga Kurdish raldo pawlte awp chin chhuhsak tumin ni thum chhung beihpui a thlak tawh a, Turkey hmalak dan hi US chuan sawiselin, indona a tih tawp vat loh chuan a sawhkhawk na tak a tuar dawn tih US Defence Secretary Mark Esper chuan a sawi a, Treasury Secretary Steven Mnuchin pawhin Turkey hi sum leh paia hrek belh a ni ang tih a sawi bawk.
US president Donald Trump-a’n helai biala US Sipaite a hnuhlet hnuah Turkey hian Syria ram chhungah hian ralthuam nen beihpui a thlak zui nghal a, Trump-a hian Turkey leh Kurdish raldo pawlte inkarah palai hna thawh a inhuam tih a sawi a ni.
Turkey president Recep Tayyip Erdogan chuan sipai chakna hmanga beihpui an thlak mek hi chhunzawm zel a ni dawn tih a sawi thung a, Kurdish Ralto pawlte hian US chu phatsantuah an puh a ni.
UN sawi danin Turkey beihpui thlakna avang hian mi nuai 1 chuangin an chenna in an rauhsan tawh a a ni.
Turkey President Erdogan chuan Syria hmar lamah hian Syria raltlante him taka an awm theihna tura hmun him siam turin, Kurdish raldo pawlte hi nuai chimih an \ul tih a sawi.
Kurdish raldo pawlte hi Syria-a Islamic State mifirfiak pawlte beihlet kawnga US thurualpuite an ni.
