Indian Oil Corporation Ltd. inkaihhruaina-ah customer awm zat a\anga chhutin zaa 70 tal, thla tin pechhuak tur an nih lain, tun dinhmunah zaa 40 pawh Mizoram tan an pe chhuak hlei thei lo niin Supply Dept hian an sawi a, chhan tam tak zingah IOC Ltd. lam mawhphurhna a ni deuh ber an ti a, hetihlai hian Supply Dept thuchhuah vek hian nikum January leh September inkara Mizoramin eirawngbawlna Gas cylinder a dawn zat aiin kumin January leh September inkara a dawn zat chu a tam zawk tih a tarlang a ni.
Nikum January leh September thla inkara Mizoramin Indian Oil Corporation Ltd. a\anga Gas Cylinder a dawn zat chawhrual chu nitin 1,01,896 a nih laiin, hemi hun chhung vek kuminah hian chawhrualin thla tin cylinder 1,05,579 Mizoram chuan dawng ang a ni tih Supply Dept thuchhuahah hian tarlan a ni.
Food, Civil Supplies & Consumer Affairs Department chuan IOC Ltd. lam hi \an la turin theihpatawpin a nawr reng tih thuchhuahah hian tarlan a ni a, tun hnaia Union Home Minister, Pu Amit Shah lo zin hnenah pawh hma la tura ngenna lehkha, Chief Minister in a pe a ni an ti a, LPG chungchanga harsatna Mizoram-in an tawh hriain, a sutkian dan tur dept chuan ngaihtuahin hma a la reng a ni an ti a, Miualkhang a mi belhchhahna turin Gas Bottling plant thar rel kawng hnaiaha siam dan tur pawh ruahman mek a ni an ti a, Puja zawh lamah Gas hi hmuh tam deuh beisei a ni an ti.
