Mizoram aiawhin State Rapid Response Team Member 6, Zoram Medical College, Civil Hospital Aizawl leh Integrated Diseases Surveillance Programme hotute an tel a, Mizoram aiawhte hi State Surveillance Officer Dr. Pachuau Lalmalsawma’n a ho a ni.
He Video Conference-ah hian Union Health Secretary Preeti Sudan chuan state hrang hrangte chu he natna do let tur leh a tul anga hma la tura inbuatsaih turin a hrilh a, he natna rawn luh theihna hmun hrang hrang, Thlawhna tumhmun leh Lawngchawlhna neite chu a bik taka inthlahdah lo turin a chah a ni.
coronavirus hi Thailand, Japan, South Korea, Vietnam, Singapore, Malaysia, Nepal, France, Australia leh USA-ah te hmuh a ni tawh a, Health Department chuan ram pawn atanga zin haw te chu hritlang leh khawsik an neih chuan damdawi in pan vat turin an chah a, India ram state thenkhatah he natna avanga damlo rinhlelh \henkhat awm tawh mah se, tun dinhmunah chuan finfiah an la awm rih lo a ni.
