Tunhnaia Social media-a Assam Regiment Battalion khat Shillong lam a\anga Mizoram pana lo kala, Mizoram chhimlam pan mek an awm ni a thuthehdarh awm chu Mizoram Police hotu ten an chhuichian hnuah thudik lo thehdarh niin an sawi.

Hemi chungchanga Mizoram Police hotute hnen a\anga ZONET thudawn danin tunah hian First Assam Rifles, 10th Assam Rifles leh 46th Assam Rifles Battallion ten a huhoa sipai nunchan zirin joint exercise an nei mek a, hei hi a khat tawk a sipai tih dan pangngai mai a ni a, hei hi hresualin mi\henkhatin Assam Regiment mizoramah an lo lut nia sawiin mi rilru tichiai thei zawngin thu an vawrhdarh nia an hriat thu an sawi a ni.

Hetihlai hian Mizoram chhim lama Myanmar ramri velah Arakan Army leh Myanmar sipai te hun engemawchen a\ang khan a khat tawkin an inkap \hin a, Myanmar mi tlanchhia Mizoram lam a lo lut te pawh an nual \hin a, amaherawhchu tunhnaiah hetiang thil thleng thar hi a awm lo niin Lawngtlaia ZONET reporter chuan a sawi a ni.