He thubuai ngaihtuahtu judge pathum zingah hian Chief Justice of India thar Ranjan Gogoi pawh a tel a, Rafale inremna chungchanga petition thehluttute’n an sawisel tam zawk chu an duhkhawp loh thu leh an ngaihtuah zawm loh tur thu an sawi a, tun dinhmunah chuan he inremna siam tura thuneitute’n thutlukna an siam chungchang chauh an ngaih pawimawh thu an sawi a ni.
Puan tawh angin Rafale inremna chhui chaing tura ngenna ukil pahnihin-in an thehlut a, inremna chungchang tlangzarh tura sorkar laipui nawr tur leh an tlangzarh theih loh chuan inremna sut leh turin an dil bawk a, he inremnaah hian thuneitute’n sum an tichingpen niin an sawi bawk a ni. Eptu lam pawhin Rafale indo thlawhna lei tur hian sorkar laipui chuan Reliance hotupa, Anil Ambani chu uchuak taka duhsak bik niin an lo sawi tawh \hin bawk a, hei hi sorkar leh Ambani te chuan an pha thung a ni. Sorkar laipui ukil, KK Venugopal chuan he inremna beih a nih dan chu politics thil vang niin Court hi a hrilh ve bawk a, ram venhimna thil kaihhnawih a nih thu leh eptu lam te’n inthlanpui a hnaih tawh avangin sorkar tih mualpho an tum niin a sawi ve bawk a ni.
