Mizorama Damdawiin lian ber, Civil Hospital Medical Superintendent in hriattirna a tih chhuaha tarlan danin, damlo kan hun, visiting hour chu thu leh awm hma tih tawp lailawk nghal a ni a, Damlo pakhatah awmpuitu pakhat zel awm phal a ni ang a, hemi bak a \ul bikah chuan Ward Superintendent emaw Nurse Duty emaw phalna lak tur a ni a, Damlo In lam a\anga chaw pe turte tan zing dar 9 leh dar 9 inkar leh tlai lamah dar 4 leh dar 5 inkarah hun hawn a ni ang a, hemi hun chhung hian damlo awmpuitute an inthlak phal a ni ang.
Civil Hospital-ah hian intlar ngai ang chiah te mipuite innek buai lo tura hriattir an ni a, a mamawh zualte chauh OPD ah inentir tura hriattir an ni a, natna benvawn, Lung na, BP sang, zun thlum, stroke leh a dangte pawh an na zual thut a nih loh chuan an damdawi pangngai ei rih tura thurawn pek an ni.
Civil Hospital-ah hian OPD leh Ward luh dawnah kut tih faina, hand sanitizer chhawp a ni dawn a, damlo inentir tur leh kalpuitute zawng zawng chu hmang vek tura ngen an ni, Medical Superintendent hian Civil Hospital compound chhungah in chibai a khap bawk a ni.
State Referral Hospital Falkawnah pawh damlo kan hun hi pawh tawi rih a ni a, zing lamah dar 6 leh dar 8 inkar leh tlai lamah dar 3.30 leh dar 4.30 inkarah te inkan theih a ni.
