Tun \uma Mizoram Assembly inthlanah hian Mizoram hmun hrang hrangah upa tak tak, kum 90 chung lam a\anga kum 100 chuang mi engemawzatin vote an thlak a, hriat theih chinah chung zinga upa ber chu Pu Rochhinga, kum 108, Zemabawk North ami a ni a, Pu Rochhinga hian Zemabawk North Polling Station-ah vote a thlak a ni.

A dawttu Pi Darrohnuni, kum 106 mi, Kawrthah khua pawhin he inthlannaah hian Kawrthah Polling Station III-ah vote a thlak a ni. Amah hi a upat tawh avang leh a chak tawh loh avangin wheelchair-in a kal \hin a, vote thlak tur pawh hian a chhungten wheelchair-in an hruai a ni.

Lunglei Chanmari Veng Polling Station-ah kum 104 mi, Pi Aiziki’n vote a thlak a, a ni hian hmeichhia hlirin Polling Station-a vote thlak an buaipuina Pink Polling Station no. 7-ah vote a thlak a, vote a thlaknaah hian amahin a kal thei a ni.

Darlungah pawh Pi Darrothangi, kum 103 miin Darlung Polling Station-ah vote a thlak a, amah hi a chak tawh loh avangin a chhungten an kai a ni. Pi Tlanglawmi, kum 101, North East Khawdungsei mi pawhin vote a bawk. Khatla East-ah chuan Thanbuka Middle School Polling Station-ah Pu Thanmawia MM, kum 98 miin vote a thlak a, amah hi indopui II-naa British Sipai, Japan nena an inbeihnaa a huaisen vang leh a chet \hat avanga Mention in Despatch dawng a ni. Champhai District-a Samthang khuaah pawh Pu Satinkapa, kum 97 miin vote a thlak a, a chak tawh loh avangin vote thlaknaah hian a chhungten an hruai a ni.