January ni 2 khan Kanaka leh Bindu Ammini te hian Sabrimala Temple-a hmeichhia kum 10 a\anga 50 inkar luh khapna chu pawisa lovin an lut lui a, vauna chi hrang hrang avangin ni 13 chhung an biru a, an biruka hmun a\anga In lama an haw let leh chu Kanaka hi a pasal nu chuan tiangin nasa takin vua niin a insawi, Kanaka hi a dinhmun a hlauhthawnawm lo a, damdawi inah enkawl mek a ni.
September ni 28-a Supreme Court-in he temple-a hmeichhe luh phal lohna dan a hlih hnuah boruak a so sang hle a, hmeichhe temple tlawh tumte chu Ayappa betu mi sang chuangin lo dangin Court thuchhuak chu an zawm duh lo ani. Kanaka Durga chuan temple a tlawh dawn hian a hmelhriate’n dan an tum nasa hle tih sawiin, amah ngei pawhin a nunna tan thil hlauhawm a ni tih hre mahse, hmeichhe dangte tana kawng sialtu nih a duh tih chanchinbumite a hrilh a ni.
