Jawaharlal Nehru University Students Union-in kawngzawh an huaihawt dawn avang hian Delhi police te chuan venhimna khauh takin an kalpui a, police tam tak University chhehvel leh a bulhnai kawngpuiah te duty tir a, kawnghpui pawimawhte pawh khar a ni.
University zirlaite hian Mandi House a\angin kawng an zawh a, an president, misual rualin kut an thlak Aishe Ghosh-i’n a ho a ni. Zirlaite bakah hian pawl hrang hrang leh mipui \hahnem takin zirlaite hi kawng an zawhpui a ni.
CPI(M) hruaitu Sitaram Yechury, D Raja, Prakash Karat leh Brinda Karat te pawh kawngzawhnaah hian an tel a, LJD leader Sharad Yadav pawh a tel bawk.
General Secretary Yechury chuan police te awm lai ngeiin hmaituamten University luhchilh-a zirlai leh zirtirtute kut an thlak chu a dem thu a sawi a, University Vice Chancellor hriatpuina lo chuan kha tiang thil kha a thleng thei lo nia sawiin Vice chancellor chu a ban a \ul a ni a ti.
JNU Vice Chancellor chuan tharum thawhna thlen dan chhui chiang tur hian member panga awmna inquiry Committee a din a ni.
