Home Minister hova \hutkhawmnaah hian Home Secretary Pu Lalbiakzama’n, Sorkarin tuikukte hruai kir tura hun rei tak ata hma a lo lak tawh dan te leh tun \uma Sorkar inbuatsaih dan te a sawifiah a, kum 2016 khan hruai kir turte enfiahna identification neiin chhungkaw 5407 chhinchhiah an lo nih tawh thu te, heng zinga chhungkaw 39 chu lo kir tawh an nih thu te a sawi a, Kuminah hruaikir turte enfiah hna thawh hnihna, 2nd Phase Identification neih leh a nih thu leh hetah hian chhungkaw chhinchhiah tawhte pawh Mizorama kir duh ngei te in report tura ngen an nih thu te, chhungkaw 4,410 chhinchhiah an nih thu te a sawi a, heng mite hruaikir tur hian sorkar chu theihtawpin a inbuatsaih a ni a ti.
|hutkhawmnaa tarlan a nih danin Tuikuk te hruaikir tura senso tur Home Ministry a an thlen cheng vaibelchhe 100 chu Mizoram Sorkarin a dawng tawh a ni.
|hutkhawmnaah hian Tripura camp a Mizoram mi Tuikuk awmte chu tunah hian lo kir ngei se an duh thu te, Sorkar leh NGO te thawhhona tha a awm avanga lawmawm an tih thu te, Mizoram khua leh tui dik tak te an lo haw ngei theihna turin theihtawp chhuah tlan zel \ha an tih thu te an sawi a, Mizorama an rawn letna tur khua leh mipuite pawhin rilru inhawng taka lo dawngsawnga lo buaipui nise an ti a ni.
Mizorama Tuikuk lo kir te awmna tur Lunglei, Kolasib leh Mamit District a DC te pawhin an lo let dan tur an inbenbelna turah ruahmanna an siam fel vek tawh tih \hutkhawmnaah hian tarlan a ni a, November thla chhunga hruai zawh hman tum an ni.
